قصة اغنيه روووعه مني لكم

قصة اغنية ..

لكل اغنية قصة وحكايه وموقف ..

دايمآ نسمع الاغاني بدون تفكير ليش انكتبت او حق منو؟!!


بس نقول انها الهامات الشعراء في محبوبيهم !!


لكن الاكيد ان بعض الاغاني والكلمات قد لاتمر مرور الكرام ..


وقد نتسائل شنو المناسبة اللي انكتبت فيها..


وهذا ماحيرني من اول ماسمعت اغنيه كانت عاجبتني حيل ..


المعازيم .. للأسير الشهيد بإذن الله فايق عبدالجليل


لأعيد لكم الذاكره قليلآ بكلماتها الاكثر من روعه ..




يوم اقلبت.. صوت لها جرحي القديم
يوم اقبلت .. طرنا لها انا وشوقي والنسيم
وعيونها ..
عين المحتني وشهقت
وعين حضنت عيني وبكت
ويافرحتي
الحظ الليله كريم.. محبوبتي معزومه من ضمن المعازيم.

في زحمة الناس صعبه حالتي
فجأه اختلف لوني وضاعت خطوتي

مثلي اوقفت تلمس جروحي وحيرتي
بعيده اوقفت وانا بعيد بلهفتي
ماحد عرف اللي حصل
وماحد لمس مثل الامل
كل ابتسامه مهاجره جات رجعت لشفتي
وكل الدروب الضايعه مني تنادي خطوتي
ويارحلة الغربه.. وداعا رحلتي

ياعيون الكون غضي بالنظر
اتركينا اثتين عين تحكي لعين
اتركينا الشوق ماخلى حذر
بلاخوف بنلتقي.. وبلا حيرة بنلتقي
بالتقي بعيونها وعيونها احلى وطن.. وكل الامان..

والآن ربما تعرفون لأول مره قصتها :)


تعرفون ابراهيم القطان الممثل حاليآ في سكوب ..


نعم ابراهيم ماغيره ..

القصه انكتبت عنه ..

لمن لايعرف


ابراهيم القطان كان مطرب افراح سابقآ

وهالشي ماهو عيب اكيد :)

المهم

ابراهيم كان لديه محبوبه وماكانت تدري انه يغني بالاعراس

المهم

ليله من الليالي ..

واثناء احيائه لأحد الافراح ..


ولا الحبيبه داخله صالة الافراح واهوا كان يغني ..

وشافته وانصدمت ..

واهوا المسكين تلعثم



عين المحتني وشهقت
وعين حضنت عيني وبكت..

المهم حيل زعل حزتها لكن بنفس الوقت كان مستانس بشوفتها

بعدها راح اشتكى موضوعه للمرحوم الشاعر فايق عبدالجليل

وطلعت لنا هالرائعه (المعازيم)..

على فكره

الكلمات اخذها سعدون جابر المطرب العراقي ولم يغنيها

ومن بعده ابوبكر .. وهم ماسجلها ..

لكن الاكيد ان الاروع والاحلى وتكاملها كان بصوت بو نوره ..


خلاصة الموضوع ..

من لديه قصة اغنيه وحقائق عنها فلينورنا لأني احب هالسوالف وانتوا بعد ..


واذا لقيت تشجيع بكمل لكم باجي القصص

وانشاءالله الحلقه القادمه قصة اغنية اي معزه ..


تحياتي لكم ..